Оваа сабота осмата по ред Иселеничка средба во село Драгобраште

Девети август, оваа сабота, со почеток во 12 часот ќе се одржи осмата по ред „Средба со дијаспората 2025″, која традиционално се одржува во дворот на манастирот Св.Спас во с.Драгобраште. Средбата ќе биде збогатена со музички дел во кој ќе настапат естрадниот уметник Василија Петрова и играорната група при Македонското здружение во Италија „Камен мост“. Манифестацијата е поддржана од Македонското здружение во Италија „Камен мост“ Канели-Ница, Општина Виница и Агенцијата за иселеништво на Република Македонија.