Првото новородено дете во Виница за 2025 година
„Ми претставува посебно задоволство што денеска го посетивме домот на првото новородено дете во Виница за 2025 година. На првиот жител во 2025 година, малиот Семин, испраќаме желби за среќно и безгрижно детство, да донесе многу радост и гордост на семејството Салиови, но и на општината.
Виница се радува на секое новороденче, бидејќи добива нов жител, но првороденото во годината, е симбол на среќата и надежта. Ја користам оваа прилика да им ја честитам радоста на родителите и да им посакам многу љубов и дечињата да им го развеселуваат домот“ – Градоначалник Миле Петков.
Семин Салиов е роден на 01.01.2025 година, на Акушерското одделение во Општата болница Кочани во 10 часот и 45 минути, и трето дете во семејството Салиови.
