Општина Виница распиша јавна објава за продажба на 15 градежни парцели
Општина Виница распиша јавна објава на градежно земјиште во сопственост на Република Македонија по пат на електронско јавно надавање во Општина Виница за 15 градежни парцели. Една градежна парцела се наоѓа во м.в. „Ила“(позади социјалната зграда) со вкупна површина од 19.386м2 со Основна класа на намена Б2-Големи трговски единици, додека компатибилнни намени се: А2- Домување во станбени згради, А3- групно домување (згради за престој на ученици, работници, пензионери, стари и немоќни лица), Б3 – ресторани, барови, клубови, дискотеки, Б4- деловни згради со канцеларии и Б5 – хотели и хотелски комплекси. Четиринаесет градежни парцели се наоѓаат во м.в. „Блажева падина“ (улица „Видео Смилевски Бато) со површини од 400м2 до 591м2 со Основна намена А1-Домување во куќи. Повеќе информации во просториите на ЕЛС Виница или на следниов линк https://www.vinica.gov.mk/index.php?view=article&id=805:objava-broj-1-2025&catid=13
